Sunday, October 2, 2011

របៀបនិពន្ធបទ ពស់លេបកន្ទុយ ( ពាក្យ៧ )

                           កំណាព្យ កូនអើយខំរៀន
                       បទពស់លេបកន្ទុយ ( ពាក្យ៧ )

កូនអើយខំរៀនទាន់នៅក្មេង          សម្តីកុំក្អេងក្អាងបំពាន
សម្តីកុំក្អេងក្អាងបំពាន                     កូនអើយខំរៀនទាន់នៅក្មេង។

រៀនកុំបែកឆ្វេងមានស្នេហា            ក្នុងវ័យសិក្សាកុំគិតផ្សេង
ក្នុងវ័យសិក្សាកុំគិតផ្សេង                 រៀនកុំបែកឆ្វេងមានស្នេហា ។

ម៉ោងទៅសាលាកុំអែអង់                 ជួបគ្នាលើបង់តាមសួនច្បារ
ជួបគ្នាលើបង់តាមសួនច្បារ             ម៉ោងទៅសាលាកុំអែអង់      ។

ឡានម៉ូតូកង់ញើសពុកម៉ែ                កូនខ្លះប៉ោឡែធ្វើឫកខ្ញង់
កូនខ្លះប៉ោឡែធ្វើឫកខ្ញង់                   ឡានម៉ូតូកង់ញើសពុកម៉ែ    ។

កូននៅក្រុងស្រែត្រូវខំរៀន               ទើបជាតិយើងមានអ្នកស្នងខ្មែរ
ទើបជាតិយើងមានអ្នកស្នងខ្មែរ        កូននៅក្រុងស្រែត្រូវខំរៀន   ៕

                                              
                                                        ២១. ១០. ២០១០                 
                                                   និពន្ធដោយ វ៉ែន សុន

No comments:

Post a Comment